Ka'abay Le Dar Ke Saamney Maangi Hai Ye Dua Faqat
Haatho Me Hashr Tak Rahe Daaman - E - Mustafa Faqat
Apne Karam Se Ay Khuda Ishq E Rasool Kar Ataa
Aakhri Dum Labo Pe Ho Salle A'la Sadaa Faqat
Taibah Ki Sayr Ko Chale Qadmo Mein Unke Jaan De
Daffan Ho Unke Sheher Mein Hai Yahi Iltejaa Faqat
Duniya Ki Saari Nea'matein Meri Nazar Mein Hainch Ho
Rakhney Ko Sar Pay Gar Milay Na'lein E Mustafa Faqat
Munkar Nakeer Qabar Mein Humse Sawaal Jab Karein
Aisey Me Wird Hum Rakhein Aap Kay Naam Ka Faqat
Naza'a Kay Waqt Jab Meri Saanso Mein Inteshaar Ho
Meri Nazar Ke Saamne Ghumbad Ho Wo Hara Faqat
Naat E Rasool E Paak Hain Nazmi Ka Maqsad E Hayaat
Qabr Mein Bhi Labo Pe Ho Sarkaar Ki Sana Faqat
No comments:
Post a Comment